25 mar 2015

DICIONARIO VISUAL DO TEMPO ATMOSFÉRICO - 3º

Déixovos o traballo que acaban de rematar os nenos e nenas de 3º: un dicionario para aprender o vocabulario referente ao tempo atmosférico. Para a montaxe utilizaron a aplicación ADOBE VOICE, para ipad.
Tamén fixemos a edición en soporte papel, para que poidan consultalo na aula cando sexa preciso.
Hoxe tiveron que explicar do dereito e do revés todas estas palabras e fixérono moi, moi ben.

24 mar 2015

AS MEDIDAS

O alumnado de 4º traballamos en Matemáticas as medidas con Darlen, a nosa "profe" de prácticas. E fixemos un concurso con 20 preguntas con Champiñón (Mario Bros) preparado tamén por Darlen. Fantástico!



18 mar 2015

A AUGA E O AIRE - 3º

Rematamos o mural colectivo sobre a auga e o aire que nos serviu como mapa mental do tema de Ciencias Sociais. Cada equipo de traballo tivo que facer a presentación sobre a súa parte. Así conseguimos ter unha idea global do tema.
Bo traballo!


TRABALLANDO OS VALORES - TRAILERS DE CINE EN 3º

A educación en valores é ben importante. Nestes traballos, que estaban feitos de fai tempo, houbo moita reflexión, moito debate previo, moitas ideas e finalmente un consenso dentro de cada equipo para levalos a cabo.
Nos vindeiros días publicaremos un máis, que quedou sen rematar.


11 mar 2015

A EXPOSICIÓN DO PINTOR GALEGO LEOPOLDO NÓVOA

 Onte o alumnado de 4º de Primaria estivemos no Auditorio de Galicia cunha visita guiada pola exposición do pintor Leopoldo Nóvoa e, a continuación, nun obradoiro plástico. Gustounos moito a explicación da nosa guía Virginia e ademais nos tiña preparadas unhas sopas de letras para os que íamos acabando os nosos cadros. Esta exposición estará ata o mes de xuño e poderemos ser nós tamén moi bos guías!!!




9 mar 2015

OBRADOIRO DE DEBUXO CON XOÁN GUERREIRO

IRIA E IDALINA:
O venres, 6 de marzo, estivemos no cole con Xoán Guerreiro para pintar unhas froitas aprendendo novas técnicas como as sombras.
Tivemos que practicar algúns trucos para pintar mellor as froitas usando só lápis e goma. Había que darlle moi frouxo co lápis e despois frotar un pouco co dedo para que dea sensación de volume e de obxecto real.
Gustounos moito porque nunca pensamos que foramos capaces de pintar así. Aprendemos xeitos de facelo mellor.


2 mar 2015

VISITA DA ESCRITORA CRISTINA SÁEZ CAZALLAS

O venres 27 de febreiro coñecimos a escritora do libro que limos no primeiro trimestre (3º e 4º de Primaria): "O sorriso de Rosalía". Foi moi interesante o que nos contou!